ປະສົບການຂອງຂ້ອຍ

ມື້ນີ້ມາວ່າກັນເລື້ອງການຂຽນເວັບອີກ. ການເປັນເວັບມາສເຕີ ຫລາຍຄົນກໍ່ເຂົ້າໃຈວ່າເຮົາເກັ່ງເລື້ອງ ການຂຽນເວັບ. ເຄີຍພົບກັບທ່ານ duong ເພິ່ນບອກວ່າ ດຽວນີ້ບໍ່ມີໃຜຂຽນເວັບກັນແລ້ວ ເພາະວ່າສູ່ມື້ນີ້ ມີເວັບສຳເລັດຮູບຂ້ອນຂ້າງຫລາຍ ສັບທາງວິຊາການເພິ່ນເອີ້ນວ່າ CMS ບໍ່ວ່າຈະເປັນ wordpress ທີ່ສ້າງບລັອກໃຫ້ເຮົາເອົາໄປໃຊ້ ສ້າງເປັນເວັບ ຫລື ວ່າ smf ທີ່ສ້າງເວັບບອດໃຫ້ໄດ້ແລກປ່ຽນບົດຮຽນ… ພຽງແຕ່ໄປດາວໂຫລດ ເອົາມາຕິດຕັ້ງ ຕົບແຕ່ງເລັກນ້ອຍ ຫລື ປ່ຽນ theme ຕາມໃຈ ກໍ່ເປັນເວັບມາສເຕີກັນໄດ້ແລ້ວ.

ດັ່ງນັ້ນ ນັກວິຊາການໄຟຟ້າຄືທ້າວພະນົມສິນ ກໍ່ເລີຍເປັນເວັບມາສເຕີນຳເພິ່ນ ເພາະອາໄສພີ່ລ້ຽງໃຫຍ່ ຢ່າງ os555 ແລະ au8ust ມາຊ່ວຍຕິດຕັ້ງໃຫ້ ວຽກຍາກໆ ກໍ່ເປັນອັນສຳເລັດ ສ່ວນທີ່ເຫລືອ ກໍ່ພຽງແຕ່ ຂຽນບົດ ຫາເນື້ອໃນດີໆມາປະດັບ ກັບ ໂປໂມດເວັບໃຫ້ຄົນຮູ້ຈັກ. ເລື້ອງໂປໂມດນີ້ ພີ່ລ້ຽງເພິ່ນ ກໍ່ຈັດການໃຫ້ອີກ, ມີແຕ່ສ້າງສັນຜົນງານ ຕາມຄວາມຖະຫນັດເທົ່ານັ້ນ.

ມື້ນີ້ ມີເວລາຫລາຍແດ່ ເພາະເປັນຊ່ວງພັກສົງການ ເລີຍຍາດເວລາ ມາເບິ່ງແຍງເວັບ ໂດຍສະເພາະ ດ້ານເຕັກນິກ ຂອງເວັບ ເພາະວ່າປົກກະຕິ ຈະນັ່ງຄິດວ່າຈະຂຽນຫຍັງກໍ່ເມື່ອຍແລ້ວ ເນັ້ນໃສ່ເນື້ອໃນເປັນໃຫຍ່ ດັ່ງສຸພາສິດເພິ່ນວ່າ content is the king (ຮູ້ສຶກວ່າ ມີເວລາໃຫ້ເວັບຫນ້ອຍລົງ ແລະ ການເຊື່ອມຕໍ່ ປະກົດວ່າ ນັບມື້ນັບຍາກ)

www.pnomsin.com ຖືກປ່ອຍປະມາດົນ ທັງທີ່ມັນມີອາການບໍ່ໄດ້ດັ່ງໃຈ ຕັ້ງແຕ່ມີການອັບເດດຊອບແວ ຈາກ wordpress 2.3 ເປັນຕົ້ນມາ ເຊັ່ນ: ​related post ບໍ່ມີອີກ ແລະ ບໍ່ມີທີທ່າວ່າຈະແກ້ໄດ້, excerpt ບໍ່ເຂົ້າກັນ … ໂອຍ ສະລະພັດບັນຫາ ແນວວ່າ ຄວາມຮູ້ມັນບໍ່ພໍໃຊ້. ແຕ່ກໍ່ຍັງມີບັນດາພີ່ລ້ຽງຢູ່ ທຸກບັນຫາ ມັນກໍ່ຄົງມີທາງອອກ ຖ້າເຮົາຕັ້ງໃຈແກ້.

ເວັບຈຳພວກ social network ມີນຳກັນຫລາຍເຫລືອເກີນ ອັນທີ່ດັ່ງໆ ກໍ່ມີຫລາຍ ເຮົາເຫັນວ່າມັນດັງກໍ່ເລີຍເຂົ້າໄປສະຫມັກຊື່ໆ ທັງທີ່ບໍ່ມີໃຜຮູ້ຈັກ ແລະ ບໍ່ມີໃຜຮູ້ຈັກເຮົາ, ກໍ່ພຽງແຕ່ ສ້າງ profile ປະໄວ້ ພໍຈະໄດ້ comment ຮູບຫລືບລັອກທີ່ເຮົາສົນໃຈ, ສ້າງແລ້ວ ກໍ່ບໍ່ມີການເຄື່ອນໄຫວພໍເທົ່າໃດ ໄດ້ແກ່ myspace, facebook,…ນອກຈາກສະຫມັກເອົາເອງແລ້ວ ກໍ່ຍັງມີການສະຫມັກ ຕາມຄຳເຊີນ ຂອງເພື່ອນໆ ທີ່ສົ່ງມາທາງອີເມລ, ໄດ້ແກ່ hi5, netlog, multiply (ຕອນນັ້ນຍັງບໍ່ທັນມີ punlao)…

ການສະຫມັກເວັບພວກນີ້ ກໍ່ມີຜົນດີ ຄືເປັນການສ້າງເວັບໄຊໂຄສະນາໂຕເອງ ແບບບໍ່ເສຍເງິນ ບໍ່ວ່າຄ່າສະຫມັກ, ຄ່າໂດເມນ, ຄ່າໂຮສຕິ້ງ,.. ບໍ່ເສຍຫຍັງນອກຈາກຄ່າອິນເຕີເນັດ. ນອກຈາກບໍ່ມີຄ່າໃຊ້ຈ່າຍແລ້ວ ເຮົາຍັງສາມາດ ສ້າງເວັບຂອງເຮົາເອງ ໂດຍເພິ່ນໃຫ້ເຮົາ ອັບໂຫລດຮູບໄດ້ຫລາຍ album, ບາງບ່ອນໃຫ້ອັບໂຫລດເພງ, ອັບໂຫລດວີດິໂອ..ໄວ້ແບ່ງປັນກັນກັບເພື່ອນໃນເຄືອຂ່າຍຂອງເຮົາ.

ດ້ວຍຈຸດພິເສດຄືດັ່ງນັ້ນ ຂ້າພະເຈົ້າກໍ່ໄດ້ສະຫມັກຫລາຍອັນ ແລະ ກໍ່ເອົາຮູບທີ່ໃຊ້ໃນເວັບບອດ ຢາຍໄວ້ນຳແຕ່ລະບ່ອນ ຄື:
windows live space ຮູບກ່ຽວຂ້ອງກັບຊີວິດສ່ວນຕົວ,
hi5 ຮູບກ່ຽວກັບການເຄື່ອນໄຫວ ໃນການຈັດຕັ້ງມະຫາຊົນ
multiply ການທ່ອງທ່ຽວໄປບ່ອນຕ່າງໆ
my opera ຮູບຂ່າວສານບ້ານເມືອງ ຈາກເວັບໄຊ ຫລືຈາກຫນັງສືພິມ
esnip ຮູບກ່ຽວກັບວິສະວະກຳໄຟຟ້າ
flickr ໃຊ້ເກັບຮູບກ່ຽວຂ້ອງກັບຄົນໃນວົງການໄຟຟ້າ
ອັນທີ່ໃຊ້ປະຈຳສຳລັບເວັບບອດ ຊຸມຊົນຄົນໃນວົງການໄຟຟ້າ ແມ່ນ imageshack
ສາມອັນລຸ່ມສຸດ ແມ່ນ ເວັບສຳລັບອັບໂຫລດຮູບສະເພາະ, ພວກນີ້ຈະຈຳກັດພື້ນທີ່ບໍ່ໃຫ້ເກີນກຳນົດ ດັ່ງນັ້ນ ເພື່ອບໍ່ໃຫ້ມັນເຕັມງ່າຍໆ ກໍ່ເລີຍຕ້ອງກະຈາຍຮູບໄປທົ່ວ.

ຫລ້າສຸດກໍ່ໃຊ້ laoupload ໃນການເກັບພາບ ທີ່ຖ່າຍຈາກຫນ້າຈໍ ປະເພດການໃຊ້ງານໂປແກມ ຫລື ບັນຫາຄອມພິວເຕີ, ສ່ວນພັນລາວ ກໍ່ໃຊ້ເກັບຮູບຄືກັນ ຮູບກ່ຽວຂ້ອງກັບພັນລາວ ແລະ ຮູບທີ່ຕ້ອງການແບ່ງປັນກັບຄົນພັນລາວ ເຫລົ່ານີ້ເປັນຕົ້ນ

ແລ້ວເມື່ອມີຫລາຍແບບນີ້ ຈະຈື່ຈຳ URL ໄດ້ຫມົດບໍ່ ຂ້າພະເຈົ້າມັກ search ໂດຍ ໃຊ້ຊື່ໂຕເອງ ແລະ ຊື່ເວັບ ເປັນ keyword ເຊັ່ນ pnomsin laoblogger ແບບນີ້. ສຳລັບ user name ກັບ password ແມ່ນ search ໃນ inbox ຂອງ email ໂດຍໃຊ້ຊື່ເວັບ ເປັນ keyword ເພາະເຈົ້າຂອງເວັບຈະສົ່ງຊື່ກັບລະຫັດມາໃຫ້ ຖ້າລືມ ກໍ່ reset password ເຂົາກໍ່ຈະສົ່ງມາໃຫ້ໃຫມ່

ຂຽນໄປກ່ອນ ແລ້ວຈະຕັ້ງຊື່ໂພສນຳຫລັງ. ບໍ່ໄດ້ມາຂຽນດົນສົມຄວນ ຈັກມັນເປັນນຳຫຍັງ, ສົງໄສມີເຈດຕະນາວາງມື ຈາກວົງການເວັບ ຫລືບໍ່ ກໍ່ບໍ່ຮູ້. ຄຶດວ່າມາຂຽນແດ່ກາດີ ເປັນການບັນທຶກປະສົບການ ໄວ້ອ່ານເອງກໍ່ໄດ້ ຖ້າບໍ່ມີຄົນອ່ານ ປະສົບການມັນແມ່ນຂອງເຮົາເອງຢູ່ແລ້ວ.

ມື້ນີ້ກໍ່ຄືທຸກມື້ ເວລາເຂົ້າເວັບ pnomsin.com ກໍ່ມັກໄປກວດເບິ່ງ ວ່າມີເວັບໃດ ທີ່ພາຄົນມາເວັບເຮົາແດ່. ມື້ນີ້ ກໍ່ຄືທຸກໆມື້ ເວັບທີ່ພາຄົນເຂົ້າມາ pnomsin.com ຫລາຍກວ່າຫມູ່ ກໍ່ຍັງແມ່ນ Google, ວ່າແລ້ວກໍ່ເຂົ້າໄປເບິ່ງອີກ ວ່າ Google ພາຄົນມາເວັບ ດ້ວຍ keyword ໃດ
ປະກົດວ່າ ເຂົາ search ຄຳວ່າ laoseagames2009 ແລະ pnomsin.com ຢືນຢູ່ອັນດັບ1 ແລະ 2 ໃນ 5 ລາຍການທີ່ຄົ້ນເຫັນ ອັນດັບທີ 5 ກໍ່ຍັງແມ່ນ pnomsin on technorati ອັນດັນ 4 ແມ່ນເວັບມະຫາສານ ສ່ວນອັນດັບ 3 ຫນ້າສົນໃຈ ເປັນເວັບຂອງ CIT’s Website ຫນ້າສົນໃຈເພາະວ່າ ບໍ່ເຄີຍເຫັນ ກໍ່ເລີຍເຂົ້າເບິ່ງໂດຍລະອຽດ ເປັນເວັບສຳລັບສອນຄອມ

ສະຫງວນລິຂະສິດ (2008 -2009) ໂດຍ ຈັນທະວິໄລ ບຸນທະລາ - ສູນ CIT
ສູນບຳລຸງວິຊາກ່ຽວກັບ Computer - ຮັບສ້ອມແປງ - ຕິດຕັ້ງໂປຣແກຣມ - ຮັບອອກແບບ Website -
ຮັບສ້າງຫ້ອງເຄືອຂ່າຍ (LAN,WAN,INTERNET)……
ໂທ (+856) 20 2542161

ບັນທຶກປະສົບການຊ່ຳນີ້ກ່ອນ ໃນມື້ນີ້

ວັນທີ 24 ກຸມພາ ມີເຫດການປະຫວັດສາດຂອງພັນລາວເກີດຂຶ້ນ
ເວບມາສເຕີ ນັດສະມາຊິກ ໄປທີ່ວັງຫນອງຈັນ

Blogs are no longer just online personal journals - they are now key business tools. If you’ve launched a business blog or are thinking about it you’re probably wondering how to promote your blog to increase subscribers? Or, what to write about and how to brainstorm new blog post ideas?
Tips for Advanced Blogging
Turn your blog into a powerful tool for your business, helping you engage customers in a conversation while also improving your search engine rankings. Use your blog to generate leads and sales for your business, strengthen your blog’s community of readers and learn how to measure the performance of your blog.

ໄດ້ສ້າງບລັອກ ເປັນພາສາອັງກິດ http://pnomsin.blogspot.com ຂຽນກ່ຽວກັບ ການສ້າງເຂື່ອນໃນລາວ, ແລະ ຖືໂອກາດແນະະນຳຕົວເອງ ແລະ ບໍລິສັດໄປພ້ອມ

ຈາກນັ້ນ ບລັອກດັ່ງກ່າວ ກໍພາຄົນມາໃຫ້ໄດ້ຮູ້ຈັກຢ່າງຕໍ່ເນື່ອງ ສ່ວນຫລາຍເປັນຄົນຕ່າງປະເທດ ທີ່ມາ ຂໍສຳພາດກໍ່ມີ ທີ່ມາ ແນະນຳຕົວກໍ່ມີ ມາຕິດຕໍ່ຂໍເຮັດທຸລະກິດນຳກໍ່ມີ ຫລ້າສຸດແມ່ນບໍລິສັດປະກັນໄພ

ລາຍລະອຽດ:

1 ຄົນອາເມລິກາ ມາຂໍສຳພາດ ເພື່ອຂຽນບົດສຳຫລວດ ຄວາມຄິດເຫັນຄົນລາວ ຕໍ່ກັບເຂື່ອນ

2 ຄົນໄທ ມາຕິດຕໍ່ຂາຍອຸປະກອນກໍ່ສ້າງ ສຳລັບເຂື່ອນ

3 ຄົນຫວຽດນາມ ຂໍມາດຕະຖານເຕັກນິກໄຟຟ້າ

4 ຄົນຫວຽດນາມ ຕິດຕໍ່ເຮັດປະກັນໄພໂຄງການເຂື່ອນໄຟຟ້າ