ປະສົບການຂອງຂ້ອຍ

ເວັບຈຳພວກ social network ມີນຳກັນຫລາຍເຫລືອເກີນ ອັນທີ່ດັ່ງໆ ກໍ່ມີຫລາຍ ເຮົາເຫັນວ່າມັນດັງກໍ່ເລີຍເຂົ້າໄປສະຫມັກຊື່ໆ ທັງທີ່ບໍ່ມີໃຜຮູ້ຈັກ ແລະ ບໍ່ມີໃຜຮູ້ຈັກເຮົາ, ກໍ່ພຽງແຕ່ ສ້າງ profile ປະໄວ້ ພໍຈະໄດ້ comment ຮູບຫລືບລັອກທີ່ເຮົາສົນໃຈ, ສ້າງແລ້ວ ກໍ່ບໍ່ມີການເຄື່ອນໄຫວພໍເທົ່າໃດ ໄດ້ແກ່ myspace, facebook,…ນອກຈາກສະຫມັກເອົາເອງແລ້ວ ກໍ່ຍັງມີການສະຫມັກ ຕາມຄຳເຊີນ ຂອງເພື່ອນໆ ທີ່ສົ່ງມາທາງອີເມລ, ໄດ້ແກ່ hi5, netlog, multiply (ຕອນນັ້ນຍັງບໍ່ທັນມີ punlao)…

ການສະຫມັກເວັບພວກນີ້ ກໍ່ມີຜົນດີ ຄືເປັນການສ້າງເວັບໄຊໂຄສະນາໂຕເອງ ແບບບໍ່ເສຍເງິນ ບໍ່ວ່າຄ່າສະຫມັກ, ຄ່າໂດເມນ, ຄ່າໂຮສຕິ້ງ,.. ບໍ່ເສຍຫຍັງນອກຈາກຄ່າອິນເຕີເນັດ. ນອກຈາກບໍ່ມີຄ່າໃຊ້ຈ່າຍແລ້ວ ເຮົາຍັງສາມາດ ສ້າງເວັບຂອງເຮົາເອງ ໂດຍເພິ່ນໃຫ້ເຮົາ ອັບໂຫລດຮູບໄດ້ຫລາຍ album, ບາງບ່ອນໃຫ້ອັບໂຫລດເພງ, ອັບໂຫລດວີດິໂອ..ໄວ້ແບ່ງປັນກັນກັບເພື່ອນໃນເຄືອຂ່າຍຂອງເຮົາ.

ດ້ວຍຈຸດພິເສດຄືດັ່ງນັ້ນ ຂ້າພະເຈົ້າກໍ່ໄດ້ສະຫມັກຫລາຍອັນ ແລະ ກໍ່ເອົາຮູບທີ່ໃຊ້ໃນເວັບບອດ ຢາຍໄວ້ນຳແຕ່ລະບ່ອນ ຄື:
windows live space ຮູບກ່ຽວຂ້ອງກັບຊີວິດສ່ວນຕົວ,
hi5 ຮູບກ່ຽວກັບການເຄື່ອນໄຫວ ໃນການຈັດຕັ້ງມະຫາຊົນ
multiply ການທ່ອງທ່ຽວໄປບ່ອນຕ່າງໆ
my opera ຮູບຂ່າວສານບ້ານເມືອງ ຈາກເວັບໄຊ ຫລືຈາກຫນັງສືພິມ
esnip ຮູບກ່ຽວກັບວິສະວະກຳໄຟຟ້າ
flickr ໃຊ້ເກັບຮູບກ່ຽວຂ້ອງກັບຄົນໃນວົງການໄຟຟ້າ
ອັນທີ່ໃຊ້ປະຈຳສຳລັບເວັບບອດ ຊຸມຊົນຄົນໃນວົງການໄຟຟ້າ ແມ່ນ imageshack
ສາມອັນລຸ່ມສຸດ ແມ່ນ ເວັບສຳລັບອັບໂຫລດຮູບສະເພາະ, ພວກນີ້ຈະຈຳກັດພື້ນທີ່ບໍ່ໃຫ້ເກີນກຳນົດ ດັ່ງນັ້ນ ເພື່ອບໍ່ໃຫ້ມັນເຕັມງ່າຍໆ ກໍ່ເລີຍຕ້ອງກະຈາຍຮູບໄປທົ່ວ.

ຫລ້າສຸດກໍ່ໃຊ້ laoupload ໃນການເກັບພາບ ທີ່ຖ່າຍຈາກຫນ້າຈໍ ປະເພດການໃຊ້ງານໂປແກມ ຫລື ບັນຫາຄອມພິວເຕີ, ສ່ວນພັນລາວ ກໍ່ໃຊ້ເກັບຮູບຄືກັນ ຮູບກ່ຽວຂ້ອງກັບພັນລາວ ແລະ ຮູບທີ່ຕ້ອງການແບ່ງປັນກັບຄົນພັນລາວ ເຫລົ່ານີ້ເປັນຕົ້ນ

ແລ້ວເມື່ອມີຫລາຍແບບນີ້ ຈະຈື່ຈຳ URL ໄດ້ຫມົດບໍ່ ຂ້າພະເຈົ້າມັກ search ໂດຍ ໃຊ້ຊື່ໂຕເອງ ແລະ ຊື່ເວັບ ເປັນ keyword ເຊັ່ນ pnomsin laoblogger ແບບນີ້. ສຳລັບ user name ກັບ password ແມ່ນ search ໃນ inbox ຂອງ email ໂດຍໃຊ້ຊື່ເວັບ ເປັນ keyword ເພາະເຈົ້າຂອງເວັບຈະສົ່ງຊື່ກັບລະຫັດມາໃຫ້ ຖ້າລືມ ກໍ່ reset password ເຂົາກໍ່ຈະສົ່ງມາໃຫ້ໃຫມ່

ຂຽນໄປກ່ອນ ແລ້ວຈະຕັ້ງຊື່ໂພສນຳຫລັງ. ບໍ່ໄດ້ມາຂຽນດົນສົມຄວນ ຈັກມັນເປັນນຳຫຍັງ, ສົງໄສມີເຈດຕະນາວາງມື ຈາກວົງການເວັບ ຫລືບໍ່ ກໍ່ບໍ່ຮູ້. ຄຶດວ່າມາຂຽນແດ່ກາດີ ເປັນການບັນທຶກປະສົບການ ໄວ້ອ່ານເອງກໍ່ໄດ້ ຖ້າບໍ່ມີຄົນອ່ານ ປະສົບການມັນແມ່ນຂອງເຮົາເອງຢູ່ແລ້ວ.

ມື້ນີ້ກໍ່ຄືທຸກມື້ ເວລາເຂົ້າເວັບ pnomsin.com ກໍ່ມັກໄປກວດເບິ່ງ ວ່າມີເວັບໃດ ທີ່ພາຄົນມາເວັບເຮົາແດ່. ມື້ນີ້ ກໍ່ຄືທຸກໆມື້ ເວັບທີ່ພາຄົນເຂົ້າມາ pnomsin.com ຫລາຍກວ່າຫມູ່ ກໍ່ຍັງແມ່ນ Google, ວ່າແລ້ວກໍ່ເຂົ້າໄປເບິ່ງອີກ ວ່າ Google ພາຄົນມາເວັບ ດ້ວຍ keyword ໃດ
ປະກົດວ່າ ເຂົາ search ຄຳວ່າ laoseagames2009 ແລະ pnomsin.com ຢືນຢູ່ອັນດັບ1 ແລະ 2 ໃນ 5 ລາຍການທີ່ຄົ້ນເຫັນ ອັນດັບທີ 5 ກໍ່ຍັງແມ່ນ pnomsin on technorati ອັນດັນ 4 ແມ່ນເວັບມະຫາສານ ສ່ວນອັນດັບ 3 ຫນ້າສົນໃຈ ເປັນເວັບຂອງ CIT’s Website ຫນ້າສົນໃຈເພາະວ່າ ບໍ່ເຄີຍເຫັນ ກໍ່ເລີຍເຂົ້າເບິ່ງໂດຍລະອຽດ ເປັນເວັບສຳລັບສອນຄອມ

ສະຫງວນລິຂະສິດ (2008 -2009) ໂດຍ ຈັນທະວິໄລ ບຸນທະລາ – ສູນ CIT
ສູນບຳລຸງວິຊາກ່ຽວກັບ Computer – ຮັບສ້ອມແປງ – ຕິດຕັ້ງໂປຣແກຣມ – ຮັບອອກແບບ Website –
ຮັບສ້າງຫ້ອງເຄືອຂ່າຍ (LAN,WAN,INTERNET)……
ໂທ (+856) 20 2542161

ບັນທຶກປະສົບການຊ່ຳນີ້ກ່ອນ ໃນມື້ນີ້

ວັນທີ 24 ກຸມພາ ມີເຫດການປະຫວັດສາດຂອງພັນລາວເກີດຂຶ້ນ
ເວບມາສເຕີ ນັດສະມາຊິກ ໄປທີ່ວັງຫນອງຈັນ

ບໍ່ໄດ້ມີໂອກາດມາຂຽນຫຍັງເລີຍ ເວົ້າລວມແລ້ວ ເກືອບທຸກເວັບທີ່ຂ້າພະເຈົ້າເບິ່ງແຍງຢູ່ ແມ່ນບໍ່ໄດ້ຮັບການຫລຽວແລ ມາຕັ້ງແຕ່ທ້າຍປີກາຍ ຈົນມາຮອດກາງເດືອນ1 ປີໃຫມ່ ຍ້ອນຫລາຍສາເຫດ.

ເມື່ອເບິ່ງຄືນສະພາບການຕ່າງໆໃນໂລກໄອທີ ຂອງລາວ ກໍ່ມີຫລາຍເຫດການພົ້ນເດັ່ນ ເຊິ່ງຂ້າພະເຈົ້າກໍ່ບໍ່ໄດ້ຈົດຈຳ ຫລືບັນທຶກໄວ້ ເລີຍສະຫລຸບໃຫ້ຖືກຕ້ອງບໍ່ໄດ້ ແຕ່ກໍ່ພໍເວົ້າໄດ້ຫນ້ອຍຫນຶ່ງ

ເຫດການທີ່ຂ້າພະເຈົ້າວ່າມີການພົ້ນເດັ່ນ ມີດັ່ງນີ້

ເດືອນ 3 ກຳເນີດ ເວັບພັນລາວ
ເດືອນ 6 ເວັບອິນລາວປິດຕົວ
ເດືອນ 8 ເວັບບອດມະຫາສານເກົ່າປິດຕົວ
ຫລ້າສຸດ ເວັບລາວຊ້າ ປ່ຽນຈາກເວັບໄຊ ມາເປັນເວັບບອດລ້ວນໆ

ສ່ວນການເຄື່ອນໄຫວຂອງເວັບຂ້າພະເຈົ້າ ກໍ່ມີອັນປ່ຽນແປງຄືກັນ
pnomsin.com ໄດ້ຮັບຄວາມນິຍົມຫລຸດລົງຢ່າງຕໍ່ເນື່ອງ
ມີການອັບເກຣດຊອບແວ ເລີຍມີບັນຫາຫລາຍອັນທີ່ແກ້ບໍ່ໄດ້ ບໍ່ອາດເຮັດໃຫ້ມັນເປັນແບບເກົ່າ
ຄ່າ technorati Authority ມີຄ່າແຕ່ເກົ່າ 15 ເຫລືອພຽງ 5
ຄ່າ Google pagerank ຫລຸດຈາກ 3 ເຫລືອ 2

ສ່ວຍເວັບບອດ ກໍ່ເປັນໄປຕາມຈັງຫວະເກົ່າ ມີສະແປມເຂົ້າມາຖະຫລົ່ມ ແຕ່ແກ້ໄປໄດ້ ສະມາຊິກ ກໍ່ມີເກົ່າໄປໃຫມ່ມາ ຍັງຮັກສາຈຳນວນຄົນເຂົ້າຊົມເທົ່າເດີມ ແຕ່ຈະເນັ້ນໄປທາງສ້າງເວັບຫລາຍຂຶ້ນ ເພາະມີເວັບນ້ອງໃຫມ່ຫລາຍເວັບ ເຂົ້າມາຂໍຄຳປຶກສາ

ບາງຄັ້ງ Google ມັນກາຫລິ້ນຕະຫລົກ ຄືກັນ, ມັນໃຫ້ເວັບ pnomsin.wordpress.com PR=4 ເທື່ອຫນຶ່ງ ກ່ອນຈະປັບລົງ
pnomsin.blogspot.com ກໍ່ໄດ້ PR=4 1 ເທື່ອ ຄືກັນ

ລາຍໄດ້ຈາກ Google adsense ຕ້ອງມີອັນສະດຸດ ເພາະບໍ່ສາມາດຮັບຈົດຫມາຍຈາກ Google ເນື່ອງຈາກບັນຫາທາງໄປສະນີ ຫລື ຫຍັງກາບໍ່ຮູ້ ພາໃຫ້ Google ງົດສົ່ງໂຄສະນາລົງໃນເວັບເຮົາໄປໄລຍະຫນຶ່ງ

ການຄ້າຂາຍກັບ Amazon ກໍ່ເຫມືອນເດີມ ຄືຂາຍບໍ່ໄດ້ຈັກອັນຕາມເຄີຍ ສົງໄສຍັງບໍ່ທັນລົງເລິກ

ໄດ້ເລີ້ມເຮັດທຸລະກິດເຄືອຂ່າຍອອນໄລ ກັບ coffee2rich ກໍ່ຍັງບໍ່ຖືວ່າປະສົບຜົນສຳເລັດຫລືຫລົ້ມເຫລວ ຍັງມີຄວາມພະຍາຍາມສືບຕໍ່ຢູ່

ຮວ້າຍຂຽນຫລາຍລະເດນິນະ ພັກໄວ້ກ່ອນເທາະ

ຫລັງຈາກຖືກແຮັກໄປແລ້້ວ ກໍ່ບໍ່ທັນມີເວລາໄປປັບປຸງຫຍັງເທື່ອ ປ່ອຍໄວ້ຊື່ໆ.
ບາດກັບໄປອີກ ພັດເຫັນແນວໃຫມ່ອີກ, ເທື່ອນີ້ ມັນຖິ້ມອີເມລ ໄວ້ພ້ອມ ແຕ່ບໍ່ຮູ້ວ່າແມ່ນຄົນດຽວກັນຫລືບໍ່

ຫລາຍຄົນວ່າ ເປັນນຳເຮົາໃຊ້ ່Joomla version ເກົ່າທີ່ມີຊ່ອງວ່າງໃຫ້ເຂົາໂຈມຕີ
ທາງ laoopensource ກໍ່ອອກມາເຕືອນແລ້ວ ວ່າ ພົບBUG ໃນ Joomla 1.5.x ໃຜທີ່ໃຊ້ Joomla update 1.5.6 ດ່ວນ