ປະສົບການຂອງຂ້ອຍ

Wordpess 2.6 ໄດ້ຖືກຕິດຕັ້ງໃຫ້ກັບເວັບໄຊ pnomsin.com ແທນທີ່ software ເກົ່າທີ່ໃຊ້ wordpress 2.3 ເມື່ອກີ້ນີ້ເອງ ຫລັງຈາກອັບໂຫລດ ເກືອບ2ຊົ່ວໂມງ.

ເປັນຫຍັງຈຶ່ງຕ້ອງຕິດຕັ້ງອັນໃຫມ່ ກໍ່ຄົງເປັນເພາະວ່າມັນມີ ມາໃຫມ່ ແຕ່ທີ່ຈິງອັນເກົ່າກໍ່ຍັງໃຊ້ດີ ບໍ່ມີບັນຫາຫຍັງ. ເຫດຜົນທີ່ແທ້ຈິງ ແມ່ນອັນອື່ນ.

ເນື່ອງຈາກ pnomsin.com ມີອາຍຸຄົບ 1ປີ ໄປແລ້ວ ຢ່າງງຽບໆ ເຈົ້າຂອງເວັບຢາກປ່ຽນແປງບາງຢ່າງ ໂດຍສະເພາະຫນ້າຕາເວັບໄຊ. ຈຶ່ງໄດ້ມີການລອງ theme ແບບຕ່າງໆ ໂດຍສະເພາະ ແມ່ນ search ເອົາ free wordpress 2.5 theme

ຈາກການລອງໄປເທື່ອລະ theme ກໍ່ເຫັນວ່າມີບັນຫາ ແລະ ກໍ່ສັງເກດວ່າ ຍັງໃຊ້ wordpress 2.3 ຢູ່ ແລ້ວມັນຈະໄປເຂົ້າກັນກັບ wordpress 2.5 theme ໄດ້ແນວໃດ ແລະ Au8ust ກໍ່ເລີຍ ແນະນຳໃຫ້ປ່ຽນໄປໃຊ້ອັນໃຫມ່

ກະລຸນາຕິດຕາມ pnomsin.com ປີ2 ວ່າຈະມີຫຍັງມາຮັບໃຊ້ສັງຄົມຕໍ່ໄປ ຈະເຮັດໄດ້ດີກວ່າທີ່ຜ່ານມາຫລືບໍ່