ປະສົບການຂອງຂ້ອຍ

ເວັບຈຳພວກ social network ມີນຳກັນຫລາຍເຫລືອເກີນ ອັນທີ່ດັ່ງໆ ກໍ່ມີຫລາຍ ເຮົາເຫັນວ່າມັນດັງກໍ່ເລີຍເຂົ້າໄປສະຫມັກຊື່ໆ ທັງທີ່ບໍ່ມີໃຜຮູ້ຈັກ ແລະ ບໍ່ມີໃຜຮູ້ຈັກເຮົາ, ກໍ່ພຽງແຕ່ ສ້າງ profile ປະໄວ້ ພໍຈະໄດ້ comment ຮູບຫລືບລັອກທີ່ເຮົາສົນໃຈ, ສ້າງແລ້ວ ກໍ່ບໍ່ມີການເຄື່ອນໄຫວພໍເທົ່າໃດ ໄດ້ແກ່ myspace, facebook,…ນອກຈາກສະຫມັກເອົາເອງແລ້ວ ກໍ່ຍັງມີການສະຫມັກ ຕາມຄຳເຊີນ ຂອງເພື່ອນໆ ທີ່ສົ່ງມາທາງອີເມລ, ໄດ້ແກ່ hi5, netlog, multiply (ຕອນນັ້ນຍັງບໍ່ທັນມີ punlao)…

ການສະຫມັກເວັບພວກນີ້ ກໍ່ມີຜົນດີ ຄືເປັນການສ້າງເວັບໄຊໂຄສະນາໂຕເອງ ແບບບໍ່ເສຍເງິນ ບໍ່ວ່າຄ່າສະຫມັກ, ຄ່າໂດເມນ, ຄ່າໂຮສຕິ້ງ,.. ບໍ່ເສຍຫຍັງນອກຈາກຄ່າອິນເຕີເນັດ. ນອກຈາກບໍ່ມີຄ່າໃຊ້ຈ່າຍແລ້ວ ເຮົາຍັງສາມາດ ສ້າງເວັບຂອງເຮົາເອງ ໂດຍເພິ່ນໃຫ້ເຮົາ ອັບໂຫລດຮູບໄດ້ຫລາຍ album, ບາງບ່ອນໃຫ້ອັບໂຫລດເພງ, ອັບໂຫລດວີດິໂອ..ໄວ້ແບ່ງປັນກັນກັບເພື່ອນໃນເຄືອຂ່າຍຂອງເຮົາ.

ດ້ວຍຈຸດພິເສດຄືດັ່ງນັ້ນ ຂ້າພະເຈົ້າກໍ່ໄດ້ສະຫມັກຫລາຍອັນ ແລະ ກໍ່ເອົາຮູບທີ່ໃຊ້ໃນເວັບບອດ ຢາຍໄວ້ນຳແຕ່ລະບ່ອນ ຄື:
windows live space ຮູບກ່ຽວຂ້ອງກັບຊີວິດສ່ວນຕົວ,
hi5 ຮູບກ່ຽວກັບການເຄື່ອນໄຫວ ໃນການຈັດຕັ້ງມະຫາຊົນ
multiply ການທ່ອງທ່ຽວໄປບ່ອນຕ່າງໆ
my opera ຮູບຂ່າວສານບ້ານເມືອງ ຈາກເວັບໄຊ ຫລືຈາກຫນັງສືພິມ
esnip ຮູບກ່ຽວກັບວິສະວະກຳໄຟຟ້າ
flickr ໃຊ້ເກັບຮູບກ່ຽວຂ້ອງກັບຄົນໃນວົງການໄຟຟ້າ
ອັນທີ່ໃຊ້ປະຈຳສຳລັບເວັບບອດ ຊຸມຊົນຄົນໃນວົງການໄຟຟ້າ ແມ່ນ imageshack
ສາມອັນລຸ່ມສຸດ ແມ່ນ ເວັບສຳລັບອັບໂຫລດຮູບສະເພາະ, ພວກນີ້ຈະຈຳກັດພື້ນທີ່ບໍ່ໃຫ້ເກີນກຳນົດ ດັ່ງນັ້ນ ເພື່ອບໍ່ໃຫ້ມັນເຕັມງ່າຍໆ ກໍ່ເລີຍຕ້ອງກະຈາຍຮູບໄປທົ່ວ.

ຫລ້າສຸດກໍ່ໃຊ້ laoupload ໃນການເກັບພາບ ທີ່ຖ່າຍຈາກຫນ້າຈໍ ປະເພດການໃຊ້ງານໂປແກມ ຫລື ບັນຫາຄອມພິວເຕີ, ສ່ວນພັນລາວ ກໍ່ໃຊ້ເກັບຮູບຄືກັນ ຮູບກ່ຽວຂ້ອງກັບພັນລາວ ແລະ ຮູບທີ່ຕ້ອງການແບ່ງປັນກັບຄົນພັນລາວ ເຫລົ່ານີ້ເປັນຕົ້ນ

ແລ້ວເມື່ອມີຫລາຍແບບນີ້ ຈະຈື່ຈຳ URL ໄດ້ຫມົດບໍ່ ຂ້າພະເຈົ້າມັກ search ໂດຍ ໃຊ້ຊື່ໂຕເອງ ແລະ ຊື່ເວັບ ເປັນ keyword ເຊັ່ນ pnomsin laoblogger ແບບນີ້. ສຳລັບ user name ກັບ password ແມ່ນ search ໃນ inbox ຂອງ email ໂດຍໃຊ້ຊື່ເວັບ ເປັນ keyword ເພາະເຈົ້າຂອງເວັບຈະສົ່ງຊື່ກັບລະຫັດມາໃຫ້ ຖ້າລືມ ກໍ່ reset password ເຂົາກໍ່ຈະສົ່ງມາໃຫ້ໃຫມ່

ຂຽນໄປກ່ອນ ແລ້ວຈະຕັ້ງຊື່ໂພສນຳຫລັງ. ບໍ່ໄດ້ມາຂຽນດົນສົມຄວນ ຈັກມັນເປັນນຳຫຍັງ, ສົງໄສມີເຈດຕະນາວາງມື ຈາກວົງການເວັບ ຫລືບໍ່ ກໍ່ບໍ່ຮູ້. ຄຶດວ່າມາຂຽນແດ່ກາດີ ເປັນການບັນທຶກປະສົບການ ໄວ້ອ່ານເອງກໍ່ໄດ້ ຖ້າບໍ່ມີຄົນອ່ານ ປະສົບການມັນແມ່ນຂອງເຮົາເອງຢູ່ແລ້ວ.

ມື້ນີ້ກໍ່ຄືທຸກມື້ ເວລາເຂົ້າເວັບ pnomsin.com ກໍ່ມັກໄປກວດເບິ່ງ ວ່າມີເວັບໃດ ທີ່ພາຄົນມາເວັບເຮົາແດ່. ມື້ນີ້ ກໍ່ຄືທຸກໆມື້ ເວັບທີ່ພາຄົນເຂົ້າມາ pnomsin.com ຫລາຍກວ່າຫມູ່ ກໍ່ຍັງແມ່ນ Google, ວ່າແລ້ວກໍ່ເຂົ້າໄປເບິ່ງອີກ ວ່າ Google ພາຄົນມາເວັບ ດ້ວຍ keyword ໃດ
ປະກົດວ່າ ເຂົາ search ຄຳວ່າ laoseagames2009 ແລະ pnomsin.com ຢືນຢູ່ອັນດັບ1 ແລະ 2 ໃນ 5 ລາຍການທີ່ຄົ້ນເຫັນ ອັນດັບທີ 5 ກໍ່ຍັງແມ່ນ pnomsin on technorati ອັນດັນ 4 ແມ່ນເວັບມະຫາສານ ສ່ວນອັນດັບ 3 ຫນ້າສົນໃຈ ເປັນເວັບຂອງ CIT’s Website ຫນ້າສົນໃຈເພາະວ່າ ບໍ່ເຄີຍເຫັນ ກໍ່ເລີຍເຂົ້າເບິ່ງໂດຍລະອຽດ ເປັນເວັບສຳລັບສອນຄອມ

ສະຫງວນລິຂະສິດ (2008 -2009) ໂດຍ ຈັນທະວິໄລ ບຸນທະລາ – ສູນ CIT
ສູນບຳລຸງວິຊາກ່ຽວກັບ Computer – ຮັບສ້ອມແປງ – ຕິດຕັ້ງໂປຣແກຣມ – ຮັບອອກແບບ Website –
ຮັບສ້າງຫ້ອງເຄືອຂ່າຍ (LAN,WAN,INTERNET)……
ໂທ (+856) 20 2542161

ບັນທຶກປະສົບການຊ່ຳນີ້ກ່ອນ ໃນມື້ນີ້

ໃນທີ່ສຸດ ກໍ່ເລົ່າມາຮອດຕອນສຳຄັນ ຫລັງຈາກອາລຳພະບົດມາດົນ.
ການຫາເງິນອອນລາຍ ໄດ້ເງິນແທ້ບໍ່ ຫລື ເປັນການຫລອກລວງ? ອັນນີ້ມັນກໍ່ຂຶ້ນກັບ ວ່າທ່ານຫາເງິນກັບໃຜ ກັບເວັບໃດ. ຂ້າພະເຈົ້າ ໄດ້ຮັບການຢືນຢັນແລ້ວວ່າ Google.com ເປັນບໍລິສັດຫລືເວັບໄຊ ທີ່ມີຊື່ສຽງ ມັນບໍ່ຫລອກເຮົາດອກ (ແຕ່ມີບາງຄົນຫລອກມັນ ແຕ່ໄປບໍ່ລອດດອກ ຢ່າສ່ຽງ)

Google.com ໃຫ້ບໍລິການແກ່ຜູ້ຕ້ອງການຫາເງິນ ດ້ວຍຫລາຍຮູບການ ເຊັ່ນ:

Google adsense ໃຫ້ທ່ານເອົາໂຄສະນາມາໃສ່ຫນ້າເວັບທ່ານ ພາຍໃຕ້ຊື່ Ads by Google ເມື່ອຜູ້ອ່ານມາເຫັນໂຄສະນາທີ່ຫນ້າສົນໃຈ ສາມາດ click ເພຶ່ອເຂົ້າໄປອ່ານ. ເຈົ້າຂອງເວັບໄຊ ໄດ້ເງິນ ຕາມຈຳນວນຄັ້ງທີ່ມີຄົນ click, ເພິ່ນເອີນລະບົບນີ້ວ່າ pay per click – PPC. ບາງຄົນກໍ່ຫລອກ Google ດ້ວຍການ click ດ້ວຍຕົວເອງ ຫລື ອາໄສຫມູ່ click ໃຫ້, ແຕ່ ຢ່າປະຫມາດ ເຂົາຮູ້ແນ່ນອນ ຖ້າເຜີໄປຄລິກເຂົ້າ ຕ້ອງຮີບຂຽນອີເມລໄປຂໍໂທດ ທີ່ເຜີໄປກົດເຂົ້າ… ຖ້າຢາກໄດ້ເງິນຫລາຍໆຕ້ອງສ້າງເວັບໃຫ້ມີຄົນເຂົ້າຫລາຍໆ ໂອກາດຈະໄດ້ເງິນຈຶງຈະມີຫລາຍ ແລະ ເຮັດເວັບໃຫ້ມີຄຸນນະພາບອີກ ຈຶງຈະບໍ່ຖືກ deindex.

ຍັງມີ search box ສຳລັບໃຫ້ທ່ານເອົາໄປໃສ່ໃນເວັບໄຊຂອງທ່ານ ຜູ້ອ່ານເວັບສາມາດ search ແລະ ຈະມີໂຄສະນາຂຶ້ນມານຳ ເມື່ອມີຄົນຄລິກ ເຈົ້າຂອງເວັບ ກໍ່ຈະໄດ້ເງິນເຊັ່ນກັນ

ອີກອັນຫນຶ່ງທີ່ Google.com ເຄີຍໃຫ້ບໍລິການ ແຕ່ເຊົາແລ້ວ ແມ່ນ ການໃຫ້ດາວໂຫລດ ເມື່ອມີຄົນມາດາວໂຫລດໃນວັບເຮົາ ເຮົາກໍ່ໄດ້ເງິນ, ມີຄົນດາວໂຫລດຫລາຍ ກໍ່ໄດ້ຫລາຍ

ການໄດ້ເງິນຈາກແຕ່ລະຄລິກ ແມ່ນບໍ່ເທົ່າກັນ ມີຕັ້ງແຕ່ 0.01$ ຫາ 0.10$ ຫລືຫລາຍກວ່າ ຂຶ້ນກັບ ຜູ້ເປັນເຈົ້າຂອງໂຄສະນາ

ຄົນລາວຜູ້ຫນຶ່ງສາມາດປະສົບຜົນສຳເລັດ ຈາກການຫາເງິນກັບ Google.com ແລະ ເຂົາກໍ່ຈ່າຍມາໃຫ້ແທ້ ເບິ່ງທີ່ຮູບກັນເອົາເອງ

http://img.laoupload.com/images/hdy3q9ze6jkp3aefshcs.jpg

ເອົາເທົ່ານີ້ກ່ອນ ແລ້ວໂອກາດຫນ້າ ຈະມາເລົ່າປະສົບການຂອງຂ້າພະເຈົ້າເອງ ວ່າເຮັດໄປແລ້ວເປັນແນວໃດ ໃນໂອກາດຫນ້າ

ມື້ນີ້ມາແປກແດ່ຈັກຫນ່ອຍ. ສັງເກດບໍ່ວ່າ ຫນ້າເວັບປ່ຽນຈາກສີຂາວ ເປັນສີດຳ.
ເພິ່ນວ່າ ຖ້າເວັບມາສເຕີທຸກຄົນ ສ້າງເວັບເປັນສີດຳ ຈະເຮັດໃຫ້ ຈໍ monitor ໃຊ້ພະລັງງານໄຟຟ້າຫນ້ອຍລົງກວ່າເກົ່າ.
Google ເອງ ກໍ່ເຄີຍປ່ຽນສີ ໃນວັນທີ່ຫລາຍປະເທດນັດກັນມອດໄຟ, ກາຍເປັນ Google in black

ຢູ່ທີ່ບ້ານ ຍັງໃຊ້ monitor ແບບຈໍສວດ ເຊິ່ງກິນໄຟຫລາຍ ກວ່າຈໍພຽງ. ແຕ່ຈະເຮັດແນວໃດ ໃນເມື່ອງົບທີ່ຈະປ່ຽນເປັນຈໍ LCD ຍັງບໍ່ພໍ. ຫນ້າຈະມີການ ເອົາເຄື່ອງໄຟກິນຫລາຍ ໄປແລກກັບເຄື່ອງໃຊ້ປະຢັດພະລັງງານເນາະ ຄົງຊ່ວຍຊາດໄປໄດ້ຫລາຍ
ແຕ່ແນວໃດກໍ່ຕາມ ຖ້າທຸກຄົນ ຕັ້ງ screen saver ໃຫ້ຫນ້າຈໍມອດໄປເອງ ເມື່ອບໍ່ໃຊ້ວຽກ ກໍ່ຈະປະຢັດໄປໄດ້ອີກທາງຫນຶ່ງ
ການປະຢັດໄຟຟ້າ ກໍ່ເປັນຊ່ວຍໂລກ ດ້ານບັນຫາໂລກຮ້ອນ ແລະ ກໍ່ເປັນການຊ່ວຍປະເທດເຮົາ ໃຫ້ສາມາດໃຊ້ພະລັງງານໄຟຟ້າ ໄດ້ຢ່າງມີປະສິດທິຜົນ

ຖ້າພວກເຮົາ ຟຸມເຟືອຍ ພະລັງງານໄຟຟ້າ ເພິ່ນຕ້ອງສ້າງເຂື່ອນເພີ້ມໄປເລື້ອຍໆ ເພື່ອໃຫ້ພໍກັບຄວາມຕ້ອງການ
ແຕ່ຖ້າພວກເຮົາໃຊ້ໄຟຟ້າຢ່າງປະຢັດ ພະລັງງານ ຈາກເຂື່ອນທີ່ມີຢູ່ ກໍຈະພຽງພໍກັບການຊົມໃຊ້ພາຍໃນ ແລະ ເຫລືອໄວ້ ສຳລັບສົ່ງຂາຍອອກນອກປະເທດ
ເອົາເທົ່ານີ້ພໍເນາະ ບໍ່ມີໃຜມັກຟັງເທດດອກ 55.

ຂ້ອຍມີເວັບເປັນພາສາໄທຢູ່ອັນຫນຶ່ງ ມີມາດົນແລ້ວ
ເປັນລະບົບ social network ຂອງ multiply.com
ມີ້ສວາຍນີ້ ໄດ້ໂພສເລື້ອງແກງຫນໍ່ໄມ້ ແລ້ວມີຄົນມາຂຽນຄວາມເຫັນໃສ່
ເວັບມັນກໍ່ແຈ້ງມາທາງເມລໃຫ້ຮູ້ ເລີຍນຳໄປອ່ານ
ກໍ່ເລີຍເຫັນ ວ່າ ads by google ທີ່ເຄີຍເຫັນປະຈຳ ບໍ່ມີແລ້ວ
ເຫັນແຕ່ຄຳວ່າ โฆษณาโดย Google
pnomsin.multiply.com